Huei prencipia la mia aventura cibernetica.


A la fin m’he decidiu. Yo voi descubrir l’internet fa relativament poco tiempo. U millor dito, voi usar l’internet cutianament fa poco tiempo. Han estau horas y, mesmo diyas, dentrando en paginas, foros, participando en debates, leyendo y reflexionando muito. M’he puesto fer bella ideya de qué yera y cómo se manullaba l’internet.

Ye per ixo que estoi que ye plegada la hora d’empecipiar lo mio viage cibernético. Aquí miraré de charrar de mosica, més que més de rock and roll que ye lo que a mí me fa goi, d’aventar es mios prexinallos, de fer parola sobre las cosetas d’actualidat, d’o que se gosa fablar y d’o que no se gosa ni tartir.

A muita gent le ferá sorpresa que m’exprese en ista fabla minoriçada, cuasi amortecida, pero isto que leyes no ye que bel testimonio, lo mio testimonio y como tal sería bueno que hi deixase constancia de la fabla que va estar patrimonial fa tiempo en ista tierra durenca y polida pero que enguán no la charran guaires personas y la mayoría a més son viellas.

Més sorpresa les ne causará a es neofablans como yo, que use lo modelo de la Sociedat de Lingüistica Aragonesa. Escribo con iste modelo perque me pareix lo més cercano a un standard validable, que mira de estar cientifico, que s’amana a lo que reyalment se fabla en lo dominio aragonesofablant y que ampra d’o pasau la grafia meyeval, la unica d’a que tenim constancia dica la “recuperación” de l’aragonés con la restauración borbonica.

Aspero que, a toz y todas que vengaz a leyer-me bella vegada, tos parexca siquiera apañau.

Salut.

llengua12.gif

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: